பசுமை

 வனமும் மலையும் விழியில் விழுந்து

மனதில் பதியும் வேளை புளுங்கி

நொந்த நெஞ்சு புளகாங்கிதம்

கொள்ளுதே!

இதற்குள் மேகம் மழையாய் வந்து

நீரென காற்றில் கலந்துவிட்டால் 

சொல்லவா வேண்டும் நெஞ்சம் 

கொள்ளும் நிம்மதியை

வரண்ட பூமியில் வந்து பாயும்

வெள்ளமாய் - விடாய் எடுத்த

நாவிற்கு வார்த்துவிட்ட நீராய்

பொசுங்கித் தீய்ந்த மனப்பெருங் 

காடு உடனே பூஞ்சோலையாகுதே!

வெப்பம் தட்பமாகி

கொண்டல் மேலும் 

தென்றல் கீழும்

குளுமையேற்ற - விழியில்

நதியில் ஏன் மொழியிலும்

பசுமை சேர்க்குதே!

மறந்து இறைவனை வாழும்

மனமும் வரண்ட பாலைதான்

வந்து பாயும் வெள்ள நீராய்

திருமறையை கொண்டுவிட்டால்

நெஞ்சும் பசுமைதான்.

ஈரல் கொண்ட பலர்

இகமிங்கு இருந்தாலும்

ஈரமென்னவோ இல்லாதுதான்

இருக்கிறதே! - ஈரம் வேண்டுமெனில்

இயற்கையை பார்ப்பீர்

இயற்கையின் வழியில்

இறைவனை தரிசிப்பீர்

நீர் கண்ட ஈசன்

கண்களால் அல்ல கருத்தியலால்

ஈசனின் நேசம் தேடுவோர்

மனிதனை போற்றுக!

2022.08.26

3.14 pm

with farhan Sacha