கைசேதம்

கர்சித்து அச்சுறுத்தி
காடாளும் காட்டரசச்சிங்கம்
தன் வயிற்றில் அக்கினி பரவ
பசிப்பிணி தொற்றி பட்டினி
கிடந்தே மரித்து மாயும்

தெருவோடை எங்கும்
குப்பைக்கூடை எங்கும்
துர்வாடை வீசுமிடமெங்கும்
பீடை தொற்றி கழிவாயும்
இழிவாயும் அலையும்
நாய்யாவும் ஆட்டுமச்சம் புசிக்கின்றன

பருத்தி மெத்தை பட்டு மஞ்சம்
குளிரப்பொருத்திவைத்த
கோட்டை கோபுரத்திலும்
வீட் விறாந்தையிலும்
தூங்கித்தொலைக்கிறான்
நிலைத்தூக்கமதை தூங்கியே மறக்கிறான்

நாளையொரு நாள்
நாலாறு பேர் சூழ்ந்து சுமந்து
நாலடி ஆழ ஈர்நாலடி நீள
குழிவெட்டி அவனை
குளிப்பாட்டி குழியில் வைப்பர்

பருத்திப்பட்டு மெத்தை
போர்வை யாவும் மண்தான்
ஈற்றில் மண்ணாய் ஆவான்
ஈராண்டில் மணலாய் ஆவான்.