கோடி பெறும்

தாரமன்றி தங்கையராய்
தமக்கையராய் தாய்க்
குலத்தாராய் காணுமிடங்களில்
மங்கையரை மதித்திடாத
மானங்கெட்ட ஆண்சாதியை
அவமதித்திடல் கோடிபெறும்

கட்டிய கணவனன்றி
மற்றெல்லா ஆண்சாதிக்கும்
மாதர்தம் மேனியழகு காட்டியும்
குழைந்து வழியும் குதலைமொழி
வாயினில் பூட்டியும்இ நடையினில்
நாட்டியம் போட்டிடும் மாதரை
தெருவில் நடமாட அனுமதித்திடாமல்
குண்டான்தடி கொண்ட காவல்ப்படை
கொண்டு வீதிச்சட்டம் வகுத்திடல்
கோடி பெறும்

ஈன்ற அன்னை அகவை
கொண்ட அடுத்த கோதையரை
அன்னையாயன்றி வேறெந்த பழிக்குரிய
தென்னையாய் கொன்னையாய் பேசிடுவார்
நாவை அறுத்து எறிதல்
கோடி பெறும்

ஆசானாய் வந்து
அன்பாய் பழகி
அருகில் நின்று
புதல்வியாய் தங்கையாய்
தினம் வரும் சிறுமியரை
சீண்டிட எண்ணம் கொண்டிடும்
சண்டாளர் தாடையென்பை
தகர்த்திடல் கோடி பெறும்

மூப்பெய்தி முகஞ்சுருங்கி
நரைத்து மயிர் வயதாகியும்
பூப்பெய்திய பிஞ்சுப் பிள்ளையை
பேத்தியாய் கண்டிடாமல்
கூத்தியாய் கண்டிடும்
ஆடவனை அவ்விடமே
தலையறுத்து குழிவெட்டி
புதைத்திடல் கோடானு கோடிபெறும்